அச்சுவெல்லமும், ஆவின் பாலும் அருமருந்து.. –

வெல்லம் சேர்த்து பால் பருகினால்  பத்தும் பறந்து போகும்.

தினமும் காலை, மாலை இரு வேளைகளிலும் பால் அல்லது பால் சார்ந்த பொருளை சாப்பிடாமல் யாரும் இருக்க மாட்டார்கள். பாலுடன் நீங்கள் சர்க்கரை சேர்த்து இதுவரை குடித்து இருப்பீர்கள். ஆனால் அதனுடன் நாட்டு சர்க்கரை அல்லது அச்சுவெல்லம் சேர்த்து குடித்தால் பலவிதமான நன்மைகள் நமக்கு கிடைக்கும் என்பது உங்களுக்கு தெரியுமா?

முழுவதும் படியுங்கள்

பாலில் அதிக அளவிலான கால்சியம் நிறைந்துள்ளது. இது எலும்புகளை அதிகமாக வலிமையாக்குவதுடன் நோயெதிர்ப்பு மண்டலத்தையும் அதிகரிக்கிறது. குளிர்காலத்தில் இதை தொடர்ந்து குடித்தால் பாக்டீரியாக்கள் நமது உடலை பாதிப்பது குறையும். அஜீரண கோளாறால் ஏற்படும் மலச்சிக்கல், குடலியக்கம் போன்ற பிரச்சனைகளை சரி செய்ய பாலுடன் வெல்லத்தை கலந்து தினமும் குடித்து வந்தால் செரிமான மண்டலத்தின் இயக்கம் சீராகும்

வயதானவர்களுக்கு ஏற்படும் மூட்டு வலி மற்றும் எலும்பு சம்மந்தப்பட்ட பிரச்சனைகளை சரி செய்ய பாலுடன் வெல்லத்தை கலந்து குடித்தால் சிறப்பான பலன் கிடைக்கும். கர்ப்பிணி பெண்களுக்கு ஏற்படும் இரத்த சோகையை சரி செய்ய இது உதவுகிறது. மேலும் உடல் எடையை குறைக்க நினைப்பவர்கள் இதை குடித்து வந்தால் நல்ல பலனை தரும்.

பாலில் வெல்லத்தை சேர்த்து குடிப்பதன் மூலம் சரும பிரச்சனையை சரி செய்து அழகான மற்றும் பொலிவான சருமத்தை பெற முடியும். இரத்தத்தில் உள்ள நச்சுகளை வெளியேற்றி இரத்தத்தை சுத்தமாக வைத்திருக்க உதவுகிறது. மேலும் பெண்களுக்கு மாதவிடாய் காலத்தில் ஏற்படும் வயிற்று வலியை சரி செய்யவும் இது உதவுகிறது

மேலும் உடலில் வலிமையையும், சுறு சுறுப்பையும் நமக்கு அள்ளித் தருகிறது.. “நாட்டுச் சக்கரை “.

வெள்ளைச் சீனியை சாப்பிட்டு உடலை கெடுத்துக் கொள்வதை விட நம் பாரம்பரிய வழிக்கு மாறுவோம்.

நன்றி

ராஜ கர்ஜனை ( உடல் நலம்)

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன