நோ பார்க்கிங் பகுதியில் வாகனங்களை நிறுத்தி 3 முறை சிக்கினால் டிரைவிங் லைசென்ஸ் தானாகவே ரத்து ஆகி விடும்”என, போக்குவரத்து போலீசார் எச்சரிக்கை விடுத்துள்ளனர்

வேலூரில் அடிக்கடி டிராபிக் ஜாம் ஏற்படுகிறது. நோ பார்க்கிங் பகுதியில் வாகனங்களை நிறுத்துவதே இதற்கு காரணம் என தெரியவந்தது. இதையடுத்து வேலூர் போக்குவரத்து போலீசார் இன்று முதல் புதிய நடைமுறையை கொண்டு வந்தனர்.

இது குறித்து வேலூர் ஏஎஸ்பி ஆல்பர்ட் ஜான் கூறியதாவது: “வேலூரில் நோ பார்க்கிங் பகுதியில் வாகனங்களை நிறுத்தி 3 முறை அபராதம் செலுத்தினால் 4 வது முறை தானாகவே அவர்கள் டிரைவிங் லைசென்ஸ் ரத்து ஆகி விடும்.

அபராதம் செலுத்தும் விவரம் ஆன்லைனில் பதிவேற்றம் செய்யப்படும். இந்த புதிய நடைமுறை இன்று முதல் அமலுக்கு வருகிறது. இவ்வாறு அவர் கூறினார். இது குறித்து வாகன ஓட்டிகளுக்கு போலீசார் தெரிவித்து விழிப்புணர்வு ஏற்படுத்தி வருகின்றனர்.